(E plotësuar) Policia e Kosovës ka bërë të ditur të shtunën se është gjetur familja e të moshuarit i cili në mesditë ishte hasur nga Policia e Kosovës në një rrugë të Ferizajt. Sipas njoftimit, i moshuari i është dorëzuar familjarëve.
“Ju njoftojmë se janë lajmëruar familjarët e personit të humbur në Ferizaj, për të cilin kërkuam bashkëpunim me qytetarë, si person i humbur. Tani ai i është dorëzuar familjarëve të tij”, thuhet në njoftim.
…..
Policia e gjen një të moshuar që kishte humbur, kërkon nga familjarët apo personat që e njohin që të lajmërohen
Policia e Kosovës ka kërkuar ndihmën e qytetarëve, lidhur me një person të humbur. Përmes një kërkese për bashkëpunim që u ka drejtuar mediave, Policia ka lutur familjarët apo personat që mund ta njohin personin në fjalë, që të lajmërohen në stacionin e Policisë në Ferizaj.
“Sot, rreth orës 14:00 policia e stacionit në Ferizaj, në rrugën ” Zenel Hajdini” në Ferizaj ka hasur në një person të humbur i moshës së shtyer, i cili nuk din të flas. Lusim familjarët e tij, apo personat që mund ta njohin, të lajmërohen në stacionin policisë në Ferizaj, përmes aplikacionit digjital ‘’Lajmëro Policinë ‘’ apo të thërrasin në numrat kujdestarë : 192 ,0290/326-250 & 0290/322-406”, thuhet në njoftim.
Aktualisht ai është në stacionin e policisë në Ferizaj.
