Më në fund reshjet e borës zbresin edhe ultësirave nga dita e premtë dhe shtunë. Të reshurat e shiut që kanë përfshi vendin ditëve të fundit, do të vazhdojnë edhe përgjatë ditës së enjte, ku mund të jenë edhe më intenzive në disa pjesë.
Instituti Hidrometeorologjik i Kosovës ka bërë të ditur se të shtunën parashihet të mbajë mot kryesisht i vranët e vende-vende me riga shiu e fjolla bore. Sipas njoftimit, temperaturat minimale do të lëvizin ndërmjet zero e -2 gradë Celsius, ndërsa maksimalet e ditës parashihen të lëvizin ndërmjet 2 deri në 5 gradë Celsius.
Ndërsa, të dielën parashihet të mbajë mot i vranët dhe me intervale kohore me diell. “Temperaturat minimale do të lëvizin ndërmjet -2 deri 1 gradë Celsius, ndërsa maksimalet e ditës parashihen të lëvizin ndërmjet 1-4 gradë Celsius”, thuhet në njoftimin e IHMK-së. Më tej, bëhet e ditur se gjatë vikendit do të fryjë erë e lehtë deri në mesatare.
Era edhe ditën e enjte frynë nga jugu mesatarisht e fuqishme deri në 16m/s, e më pas nga dita e premtë ndryshon drejtimin në verilindje dhe frynë e lehtë dhe mesatare 3-10m/s.
Shtypja atmosferike pas rënies që pësoj këtyre ditëve, gradualisht në rritje.