Hoxhë Shefqet Krasniqi thotë se në Kosovë të gjithë zyrtarët do të ishte dashur të betohen në librat fetarë varësisht cilës fe i përkasin. E për këtë, ai nuk ka lënë pa e përmendur edhe presidenten e Kosoves, Vjosa Omasnin. “Kushtetuta është letër”, kishte thënë Krasniqi në “Debat Plus”. “Presidenti i Kosovës duhet të betohet në Kuran nëse është mysliman. Nëse është katolik duhet të betohet në Bibël, e kështu me radhë. Vjosa gjithqysh është dashur të betohet në Kuran, se përndryshe ai nuk është betim”, pati thënë Krasniqi.
Hoxha pati thënë se me betimin në librat fetarë shteti tregon vlerat e tij. “Betimi në aspektin terminologjik është mu betua në diçka çka nëse nuk e kryen të hakmerret. Zoti është ai që të dënon”, shtoi më tej Krasniqi. Krasniqi thotë se perëndimorët çështjen e betimit e kanë kuptuar shumë mirë. “Në pothuajse të gjitha shtetet evropiane feja ka ndikim në shtet… Edhe gjykatësi nuk betohet pa u betuar në Bibël, e deri te presidenti”, ishte shprehur ndër të tjera Shefqet Krasniqi.
Shiko videon: