Oltjon Sallaku është 21-vjeçari shqiptar i cili ditën e djeshme qëlloi partneren e tij me armë dhe më pas ia mori jetën edhe vetes.
Mediat italiane kanë zbuluar se Lamia Elamri është 18-vjeçarja marokene e cila mbeti e plagosur nga bashkëshorti i saj shqiptar. 18-vjeçarja ndodhet e shtruar në Poliklinikën e Barit dhe jashtë rrezikut për jetën. Nga hetimet e deritanishme është zbuluar se ngjarja e rëndë ka ndodhur pas një sherri mes çiftit.
Në momentin e të shtënave, vajza e vogël, gati 2 vjeçe e çiftit ndodhej me gjyshen nga nëna.
Oltjoni punonte si shtrues pllakash në Bari dhe njihej nga të gjithë si një djalë shumë i mirë. Një mik i tij ka treguar se është takuar me Oltjonin pak para se të ndodhte ngjarja e rëndë dhe madje kishin bërë shaka me njëri-tjetrin. Por në lidhje me atë që ka ndodhur në shtëpinë e të rinjve ka shumë pikëpyetje pasi ende nuk dihet se përse shqiptari mbante armë me vete.
