Klina është një nga qytetet më të prekura në Kosovë nga vërshimet e fundit. Për shkak të të reshurave të shumta të shiut, është dashur në disa raste të intervenojnë edhe zjarrëfikësit për të evakuar qytetarët e prekur nga vërshimet.
Një lexues i gazetës Nacionale, ka dërguar një video të një momenti interesant. Në videon, shihen zjarrëfikësit pas intervenimit në një lagje të qytetit të Klinës, ku evakuohet një familje. Në videon disa 46 sekondëshe, shihet një vajzë e vogël, e cila po mbahet në prehër nga një zjarrëfikës, teksa tjetri tenton ta mbajë të disponuar vajzën që duket të jetë e traumatizuar nga ngjarja.
“Qetashti xhaxhi ka me të enë me traktor” – dëgjohet të thotë njëri zjarrëfikës, teksa vajza e vogël mban në duar një kukull.