Një ngjarje e rëndë ka ndodhur në rrugën ‘Vushtrria’ në Prishtinë, ku një person i moshuar është gjetur pa shenja jete, raporton Gazeta Sinjali. Sinjali mëson se viktima është Mehmet Husa, 73-vjeçar.
Burimet e Gazetës Sinjali kanë bërë me dije se një grua ka raportuar rastin, duke thënë se ka një javë që nuk ka kontaktuar me të ndjerin i cili jetonte i vetëm pa përkujdesjen e askujt dhe dyshon se diçka mund të mos jetë në rregull.
Njësitë policore kanë dalë në vendin e ngjarjes, ku bashkë me familjarët kanë hyrë brenda shtëpisë ku jetonte viktima dhe kanë hasur në trupin e tij të shtrirë përtokë. Në vendin e ngjarjes kanë dalë edhe ekipi mjekësori i Emergjencës, me ç’rast mjeku ka konstatuar vdekjen e të moshuarit. Me urdhër të prokurorit, rasti është cilësuar ‘Hetim mbi vdekjen’ dhe trupi i pajetë i viktimës është dërguar në Institutin e Mjekësisë Ligjore për obduksion.