Vogëlushi kosovar, Mert Popova është diagnosifitikuar me një sëmundje të rrallë atë të “Hydrocephalus”. Gazeta Sinjali ka kontaktuar babain e fëmijës, Arbër Popova i cili deklaroi se i nevojiten 13 mijë euro për të nisur procedurat për trajtimin në Turqi. Po ashtu, ai deklaroi se udhëzimi për trajtim jashtë vendit është lëshuar nga komisioni i mjekëve në SHSKUK.
“Djali jonë Mert Popova , 8 muajsh dhe me 4 operacione është me sëmundjen e rralle HYDROCEPHALUS. Kjo sëmundje është e rrallë prandaj trajtimi i djalit tonë duhet trajtuar jashtë vendit. Për vazhdimin e trajtimit te djalit tonë nevojiten rreth 45.000 euro, shume kjo e pa përballueshme për ne si familje, Fondi i sigurimit Shëndetësor të Kosovës na ka përkrahur në këtë drejtim por neve si familje na nevojiten 13.000 euro për të filluar procedurat dhe trajnimin për shërimin e djalit tonë jashtë vendit më saktësisht në Turqi”, kanë njoftuar familjarët.
Familjarët kanë hapur edhe një fond në llogarinë “gofundme” ku për të kontribuar.
