Befason Gëzim Kelmendi, ja si i komenton deklarimet e Shefqet Krasniqit për Shkurte Fejzën
Kryetari i Partisë Fjala, Gëzim Kelmendi, ka folur rreth deklaratës të hoxhës Shefqet Krasniqi, për këngëtarën Shkurtë Fejza.
Kelmendi në emisionin Kosova Today, në Klan Kosova tha se Krasniqi e “paska lavdëruar Fejzën”.
“Unë këtu me sa kuptova, doktor Shefqet Krasniqi, e paska lavdëru dhe paska fol mirë për Shkurten, nuk po shoh asnjë arsye që dikush me dal në mbrojtje të Shkurtës. Ky paska thënë që kjo është e mirë, i paska tekstet e mira, por nuk është fetare sa duhet”, tha Kelmendi në Klan Kosova.
Ai theksoi se ka parë reagime të shumta në mbrojtjë të këngëtares.
“Unë veç një gjë e di që këto ditë sikurse qytetar i Kosovës që jam. Hera e parë që po e dëgjoj këtë video për hir të korrektësisë. Kam qenë i bombarduar nga këto reagimet dhe lajmet në mbrojtje të Shkurtes, nga kolegët e saj, estrada kosovare dhe opnionistët e tjerë”, tha ai.