I riu nga Llapushniku i Drenasit, Mifail Thaqi ka humbur jetën sot në mëngjes në një aksident trafiku që ka ndodhur në Arllat. Lajmin për vdekjen tij e kanë marrë me pikëllim të thellë familja e “Vëllëzërve Thaqi”, të cilët kanë bashkëpunuar me të ndjerin në transport të udhëtarëve.
‘Ma kpute shpirtin o vlla, ishalla për xhenet’, ka shkruar sipër fotografisë Elmiu, bashkëpunëtor i Mifailit. Për vdekjen e Mifailit ka lëshuar telegram ngushëllimi edhe kryetari i Komunës së Drenasit, Ramiz Lladrovci.
“Në këto momente shumë të rënda për tërë familjen, shprehim ngushëllimet tona më të sinqerta, për këtë tragjedi. Bashkë me Juve, ndjejmë po ashtu dhimbje për këtë humbje të madhe”, thuhet ndër të tjera në telegramin e Komunës së Drenasit.