“Nuk du me shku në xhenetin e Shefqet Krasniqit”, Arbana Xharra i reagon ashpër Shefqet Krasniqit për Shkurte Fejzën
Gazetarja Arbana Xharra ka reaguar pas deklaratës së hoxhë Shefqet Krasniqit, i cili tha se Shkurte Fejza nuk është fetare dhe se ajo duhet të mendojë për vdekjen.
“Une du me shku ne “xhehnemin” e Shkurte Fejzes, jo kurre ne “xhehnetin” e Shefqet Krasniqit”, ka shkruar Xharra në reagimin e saj.
Arbana ka rikujtuar kohen kur në momentet më të vështira të Kosovës, zëri i Shkurte Fejzës u bë rezistencë me këngët e saj.
“Shkurte Fejza në momentet me të vështira për Kosovën u bë zë i rezistencës me kengët e saj, duke e nxitur regjimin e Millosheviqit qe të ia ndalojë transmetimin e këngëve nga viti 1981 deri në 1983”.
Tutje ajo ka thënë se hoxha Krasniqi me pas pushtet ia ndalon këngë Shkurte Fejzës sikurse ka bërë regjimi i Serbisë.
“25 vjet pas mbarimit te luftës, Shefqet Krasniqi ia përmend vdekjen si “jo fetare” dhe i tregon se ku ka me i shku shpirti i saj. Dmth me pasë pushtet Shefqeti ia ndalon kangën, njëjte sikurse regjimi i Serbisë në 1981-ten”, ka shkruar Arbana.