Shqetësohet nga telefonatat, Efi Dhedhes bën publike numrat e personave, të cilet janë edhe nga Kosova
Ish-banorja e shtëpisë së famshme të “Big Brother VIP Albania 2”, Efi, ka ndarë me ndjekësit e saj në Instagram një ngjarje të pakëndshme që e ka shqetësuar atë ditën e djeshme.
Sipas një postimi të saj, ajo është thirrur në telefon nga disa numra të panjohur që e kanë zgjuar nga gjumi dhe i kanë prishur qetësinë gjatë gjithë ditës.
Efi ka shprehur pakënaqësinë e saj me këtë sjellje të bezdisshme dhe të pakuptimtë përmes një mesazhi në Instagram ku theksoi:
“Sot më doli gjumi na numra të panjohur dhe më kanë prishur terezinë e gjithë ditës.
Unë nuk i kuptoj njerëzit si ju! Unë nuk kuptoj çfarë kënaqësie keni të shqetësoni njerëz të cilët as s’ju njohin as nuk duan t’ju njohin!”
Ngjarja duket se ka lënë një ndikim të fortë te Efi, e cila është shprehur hapur për ndjenjat e saj. Ajo nuk ka qëndruar pasive ndaj kësaj situate të pakëndshme dhe ka zgjedhur të marrë një qëndrim të ashpër publikisht.
Në vijim të postimit të saj, Efi ka bërë një veprim të guximshëm duke vendosur të publikojë numrat që e kanë bezdisur, si një mënyrë për të ndarë të njëjtën përvojë me të tjerët dhe për të parandaluar sjellje të ngjashme në të ardhmen.
Ajo shkroi: “Nëse s’keni ça të bëni mund të merrni këto numra shtyni kohën.”
Shiko fotot:
