“Toka jonë” (Terra Nostra), është njëra prej telenovelave më të pëlqyera braziliane, e realizuar gjatë viteve 1999/2000 dhe e transmetuar në shumë vende të botës, përfshirë këtu edhe Kosovën.
Historia është vendosur në fund të shekullit të 19-të dhe zhvillohet në një kohë kur skllevërit u çliruan në Brazil dhe kishte nevojë për punëtorë, veçanërisht në platacionet e kafeve braziliane, derisa në qendër është dashuria e Mateos dhe Xhulianës.
Protagonostja e serialit Xhuliana, emri i vërtet i së cilës është Ana Paula Arósio (1975), është aktore dhe modele e njohur braziliane. Ana ka pozuar për revistat më të njohura në kuadër të modeles, derisa është shpërblyer me shumë çmime për rolet e saja si aktore.
Arósio fitoi trofeun “Imprensa” tre herë, që konsiderohet çmimi më i madh vjetor për pritjet më të mëdha në televizionin brazilian në disa kategori.
Ajo fitoi çmimin në kategorinë e “Zbulesës së vitit” për Hilda në Hilda Furacão në 1998, dhe në kategorinë pas kategorisë së Aktores më të mirë për Xhuliana në Terra Nostra dhe për gjyqtarin Camille në Esperança në 2002.
Ana është e martuar me arkitetktin Henrique Pinheiro dhe që nga viti 2015 jetojnë në Swindon, Angli. Thiago Lacerda (1978), i njohur në serialin “Toka Jonë” si Mateo sot është 41 vjeçar, është i martuar me Vanessa Loes dhe kanë tre fëmijë: Pilarin, Coran dhe Gaelin.
Nga sporti i notit ku fitoj rreth 170 medalje, Lacerda duke qenë i gjatë 1.95 filloj punën si model duke u paraqitur në shumë sfilata, shkruan gazeta “Kosova Sot Online”. Ambicja e madhe e shtyri ta sfidojë vetën edhe si aktor, e roli i tij i parë ishte pikërisht Mateo në serialin “Toka Jonë” që do ta bënte të njohur në gjithë botën.
Së fundmi aktori ka qenë pjesë e telenovelës braziliane “Krenari dhe Pasion”, e realizuar në vitin 2018.
