Shkurte Fejza reagon për herë të parë për deklaratën e Hoxhë Shefqet Krasniqit ndaj saj!
Shkurte Fejza ka folur për herë të parë lidhur me deklaratën e bujshme të hoxhë Shefqet Krasniqi, i cili javë më parë kritikoi këngëtaren për mos-predikimin e fesë islame; duke thënë gjithashtu se do të ishte mirë nëse Shkurte Fejza të aplikonte ritualet fetare.
Lidhur për këto deklarata, këngëtarja e zhanrit folklorik ka folur për herë për të parë në emisionin “Show i së premtes” të Adelina Ismailit.
“Kur ka ndodh kjo, me të thënë të drejtën kam qenë në një vikend në Itali e më pas në Bruksel dhe nuk kam ditur gjë, derisa erdhëm në hotel për të pushuar. Pastaj e thirra Hajrushin [bashkëshortin] dhe u informova për këtë; më erdhi keq”, tha Shkurte Fejza.
“Sivjet po e festoj 50-vjetorin e karrierës dhe këto 50 vjet e mia të karrierës sime nuk kanë qenë fushë me lule. Disa herë u morën me mua, por unë kam zgjedhur të mos përgjigjem, unë kam punën time dhe politikën time që e bëjë që 50 vjet me këngët e mia dhe asnjëherë nuk e kam parë të arsyeshme për të reaguar. Me pas qenë këtu, sigurisht as Hajrushi nuk do të reagonte”, potencoi mes tjerash ajo.
Deklarata e hoxhë Krasniqit kishte ngritur shumë reagime nga emra të njohur publike, por edhe nga vetë bashkëshorti i Shkurte Fejzës, Hajrush Behluli.
Por, çfarë tha saktësisht hoxha Shefqet Krasniqi saktësisht që nxiti kaq shumë reagime?
Ai javë më parë, bëri një deklaratë për artisten e njohur Shkurte Fejza të cilën e kritikoi për mos-predikim të fesë islame gjatë një emisioni në Tëvë1.
“Për mua muzika nuk është e pëlqyeshme, Shkurte Fejza i ka tekstet e bukura, por më dhimbset që nuk është fetare aq sa duhet. Do të doja shumë që Shkurta si një figurë shumë e njohur në kombin tonë me qenë edhe fetare, sepse edhe Shkurta ka me vdek si unë edhe hiq larg se ka”, pati deklaruar Krasniqi. /Telegrafi/
Shiko foton: