Jam në një situatë të vështirë. Unë dhe burri im jemi të lumtur dhe të martuar prej 10 vitesh. Kemi shëndet të mirë, një bebe të bukur 6 muajshe dhe të dy punojmë me kohë të plotë. Burri im punon nga shtëpia ndërsa unë punoj në një zyrë. Vjehrra dhe vjehrri kohët e fundit dolën në pension dhe u ofruan të kujdeseshin për fëmijën tonë, nipçen e tyre, ndërsa ne të dy jemi në punë.
Pranuam dhe çdo gjë në rregull. Ata kanë eksperiencë me rritjen e fëmijëve prandaj nuk kam patur asnjëherë ndonjë problem. Me pak fjalë unë e vlerësoj me të vërtetë vjehrrën dhe vjehrrin. Kohën, përkushtimin dhe gjithçka ata bëjnë. Jo vetëm që e shikonjnë fëmijën por gjithashtu lajnë enët, gatuajnë dhe pastrojnë.
Dje patëm një bisedë ku vet vjehrra u ul të na kërkonte pagesë/orë. Unë akoma nuk e kam marrë veten. Të kërkojë para për të edukuar apo kaluar kohë të çmuar me të nipin? Kur isha fëmijë, gjyshërit e mi kujdeseshin për mua dhe motrën time për orë të tëra. Gjyshja ime asnjëherë nuk ka kërkuar asnjë lloj pagese, ajo e bënte vetëm nga dashuria për NE.
Edhe vet jam kujdesur për vëllezërit e motrat e mia orë në fund kur isha më e re! Unë as nuk di çfarë të them, jam e inatosur dhe kjo situatë ka filluar të ndikojë në martesë. Burri im..
Burri im beson se ka të drejtë të paguhen sepse nëse ata nuk do kujdeseshin për fëmijën tonë, ne do të ishim detyruar të punësonim një të huaj dhe ndoshta do të përfundonim duke paguar edhe më shumë.
Nuk ka mundësi. une kam menduar gjatë për këtë dhe jam si e pêrhumbur. Koka ime është vetëm AAAH. Çfarë të bëj? Keni ndonjë këshillë?